值得投資的基本款

早前將眼鏡換下隱形眼鏡戴上，又剪了個人人稱讚的短髮之後，整個人都變了。或者是身邊所給的微妙氣氛變得更有鼓勵性，自信心自然漸漸建立。不過，本身衣著風格是走boyish的我，再襯短髮…真的有幾位人兄都話我，遠睇似男仔扮女仔…那就從基本款的剪裁上作改動吧。

基本上我從來都不喜歡把公仔tee﹑Logo tee著上身的。素tee簡簡單單就很合我意，而且素tee在夏天單穿又得，在冬天玩layer都得，萬能又百搭。因此，手感好﹑100%Cotton﹑Cutting好﹑價格合理的素tee，就很值得投資﹗相信不少時裝人當遇上合適的，便會大手購入，可遇不可求呀﹗

早前在UNIQLO揾到摩擦於掌心都怕起毛球細緻的棉tee，驚喜，即入手灰﹑白各一。可惜是男tee來的，剪裁上很Man。

然後有一日在返工的午飯時間逛逛，給我發現一件Dirty Pink﹑一件碳灰色的V領素tee，心想這兩隻顏色都難有喎。摸上手，簿﹑輕﹑柔，很好。拿到試身室，嘩~~好Feminine之餘，鬆身遮肚又修身，唔知你明唔明，總之可遇不可求呀﹗

手上的是一千零一件的大碼，問店員其他分店有冇貨，佢hea我留電話，唔知幾時(最快當晚)通知。算數﹗自己揾。

結果買了5件，碳灰色V領一件，其餘全U領。因為V領比較低胸性感，但圓臉人著V領顯瘦。哈哈，滿足感好大喎。

UNIQLO Top (Left to Right) – Dark Purple / Hot Pink / Dark Gary / Dirty Pink

文字、攝影 / 瑪布爾

延伸閱讀︰H&M Tee