注︰以下是一位有自省能力但早就被寵壞的香港人所寫的一篇食評
當人在某區生活了好幾年的時候，人自然會擁有個人某區的飯堂名單。而我亦不例外，我是荃灣區的居民。
在年初五的中午，剛好有空餘時間到荃灣去嘆個早午餐，一踏觸荃灣的土地，自然便會走去飯堂名單之首席–雲貴川。一心想在這個只有8℃的日子，辣暖個胃才上班去。點知？﹗平日客似雲來的雲貴川果然唔憂做，年初八才啟市(其實人家一年才休這幾日假)…
唯有去飯堂名單的第二位–嘉樂冰廳，都係想只踫踫運氣而已，因為嘉樂冰廳平時都客似雲來，而且不做早晚市的(營業時間︰10:00-19:00)。睇題目就知我今日能如願以償，在品嚐美食其間，聽到店員同熟客的對談得知，它每年會在年初三啟市，(點頭)很好。
在嘉樂冰廳，要有心理準備，搭枱是必定的附帶條件，人多地少，冇計。不過，食物上乖，份量足，價錢合理，店員親切有禮，擠擁反而增加親切感，這完全不是問題。
重點開始﹗這餐豐富的早午餐內容包括︰薑蔥撈麵加芝蛋治﹗盛惠各18大元。㊣﹗簡單的材料組成繞舌三日的回味，食材各自發揮原有的味道，正所謂薑有薑味，芝士有芝士味，而且配搭得宜又不搶風頭，一口擁有微辣﹑爽﹑油，另一口擁有軟﹑滑﹑厚，何其滿足﹗完。
地址︰荃灣新村街40B號地下
另︰其實我亦擁有葵涌區的飯堂名單，下次介紹。
再另︰誠徵觀塘區或鰂魚涌的飯堂名單。
延伸閱讀︰嘉樂冰廳 荃灣小巨蛋 味道確係盞
文字、攝影 / 瑪布爾
沒有留言:
發佈留言